நெல்லுச் சோற்றுக்கு இடம்விட்டு

                                 
நெல்லுச் சோற்றுக்கு இடம்விட்டு
                                           
                                             

பிறந்தகுழந்தைக்கு பயத்தமாவும், வசம்பும், மையும் பாவப்பட்டுப்போனது,,,

பின்னலிட்டு பாவாடை சட்டையுடன் பள்ளிக்கு போனது,,,,,

பட்டுப்பாவாடை தாவனி சரசரக்க பார்த்தவிழி மோகித்திருக்க

பாதையெல்லாம் பூ பூத்தகாலம் புதைந்து போனது,,,,,

பம்பரமும் கல்லாங்காயும் கோலியும் கனவில் வந்துப்போகின்றன,,,

பருவத்தின் முதல் நாள் பயத்தில் நடுங்கும் அவளை ஆற்றுப்படுத்த

சல்லடை வைத்து மஞ்சள் நீருற்றி மகிழ்ந்த்து,,,

உளுந்தகளியும், உடைத்த முட்டையின் ஓட்டுக்குள், ஊற்றிக்கொடுத்த 

நல்லெண்ணெய்யும்  உடலுக்கு உரம் என்றது, இன்று

ஒன்றுமில்லா ஓவியமாக மனதில் ,,,,,,

தழயப் பின்னிய பின்னலில் கணகாமரமும் மல்லியும் கட்டிய காட்சிகள் ,,,

மஞ்சளின் மகத்துவம் அறியாமல் அதனை அந்நியனிடம் அடகுவைத்து

முகபூச்சு பசைகளில் இன்று ஒட்டிக்கிடக்கிறோம்,,

வாசல் அடைத்து கோலம் போட்டது வெட்டிச்செயலாகி 

இன்று கருவறையும் வெறும் அறையாகிப் போனது,,,

சேலையின் சிலிரிப்பு,,,,, வேட்டியின் கம்பீரம் வேடிக்கையாய் போனதே,,,,,,

கேழ்வரகு களியும், கம்மஞ்சோறும் நெல்லுச் சோற்றுக்கு இடம்விட்டுப்

போனதால் நாம் இன்று வைத்தியனிடம் வரம் வேண்டி,,,,

அத்தானும் மாமாவும் அகராதியில் டேய் ஆனாதே,,

அடுப்பங்கரைக்குள் ஆசைமனைவியின் ஓரப்பார்வைக்கே

காத்துக்கிடக்க வைத்த கூட்டுக்குடும்பம் குலைந்துப்போனதால்

நீதிமன்றங்கள் நிமிர்ந்து நிற்கின்றன,,,,

உடலை இறுக்கிப்பிடிக்கும் உடையும் வெட்டிய குட்டை முடியும்

இன்று நேரத்தை மிச்சப்படுத்தி தொடுதிரைக்குள்ளும் இணையத்தின் 

இடுக்களில் மனதைத் தொலைக்க உதவின, 

உடையும் நடையும் மாறலாம், தினுசு தினுசா பழக்கம் வரலாம் 

அறிவியலின் உள்ளாழம் உடைய சடங்குகளும் விழாக்களும்

கட்டுப்பட்டியாகியதை பண்பாட்டின் மாற்றம் என்று சொல்லும்

                       மனமே

மனிதம் மாறியதையும் பண்பாடு என்பாயா????

இப்படைப்பு ‘வலைப்பதிவர் திருவிழா – 2015’ மற்றும் தமிழ் இணையக் கல்விக்கழகம் நடத்தும் ‘மின்தமிழ் இலக்கியப்போட்டிகள் – 2015’க்காகவே எழுதப்பட்டது.

வகை-(4)    புதுக்கவிதைப் போட்டி- முன்னேறிய உலகில் பண்பாட்டின் தேவை.

என்னுடைய சொந்தப்படைப்பு என்றும் இதற்கு முன் வேறெங்கும் வெளியானதல்ல என்றும் முடிவு வெளியாகும்வரை வெறெங்கும் வெளிவராது என்றும் உறுதியளிக்கிறேன் ---- முனைவர்.சீ.மகேசுவரி.