ஒற்றை ரோஜா

                                            

நட்புகள் எல்லோரும்,  இன்று காதலர் தினம்,  பதிவு ஒன்னும் எழுதலையா என்றனர்.

இருக்குற வேலையில் இப்பவெல்லாம் கணிப்பொறி முன் அமர்ந்தாலே ,,,

வேற வேலை இல்லையா என்று சத்தம் வருகிறது,,.

ஆனாலும் அவசர அவசரமாக நாலு வரி எழுதிப்போகிறேன்,,,


அழகிய மாலை நேரம்

அவன் வந்தான்

நேற்று உன்னைப் பார்க்க வந்தேன்

நீ இல்லையே,

ஊருக்குச் சென்றேன்

ம்ம்

என்ன 

அது வந்து,,

இது உனக்காக வாங்கி வந்தேன்

பேன்ட் பாக்கெட்டில் இருந்து எடுத்தான்

பாடம் ஆகிப் போன 

ஒற்றை சிவப்பு 

ரோஜா,,

இது என்ன இப்படியிருக்கு

நேற்று வாங்கியது

ஏன் இன்று வாங்கினால் என்னவாம்

இல்லை நேற்று தான் வாங்கனும்

இன்று வாங்கினாலும் சம்மதம் தான்

சம்மதம் ன்னா

ம்ம்,,,

இது எப்புடி,,,,,
                                                      

படங்கள் இணையத்தில் இருந்து,,,

யாந்துஞ் சலமே,,,,,

                          
 இலக்கியங்கள் மக்களின் வாழ்வியலோடு இயைந்த ஒன்று, சங்க இலக்கிய குறுந்தொகைப் பாடல் ஒன்று இப்படிச் சொல்கிறது,,

கொன்னூர் துஞ்சினும் யாந்துஞ் சலமே
எம்மி லயல தேழி லும்பர்
மயிலடி யிலைய மாக்குர னொச்சி
அணிமிகு மென்கொம் பூழ்த்த
மணிமருள் பூவின் பாடுநனி கேட்டே.
         
                                         குறுந்தொகை
                                         பாடல் எண் 138
                                         கொல்லன் அழிசி
                                         மருதத்திணை


         கொன்னூர் துஞ்சனும் யாந்துஞ் சலமே
         எம் இல் அயலது ஏழில் உம்பர்
         மயிலடி இலைய மா குரல் நொச்சி
         அணி மிகு மென் கொம்பு ஊழ்த்த
         மணி மருள் பூவின் பாடு நனி கேட்டே.

 (இப்படியும் பிரித்து பார்க்கலாம் என,,)

  முதல்நாள் உரிய இடத்தே தலைவன் வருவான் என எதிர்பார்த்து அவன் அன்று வரவில்லை. அடுத்த நாள் அவன் வரும்  போது, நேற்று வருவீர் என்று எதிர்பார்த்து தலைவி தூங்கவில்லை என்பதைத் தலைவன் கேட்குமாறு, தலைவி சொல்வதைப்போல் தோழி சொன்னது,,,

    ஊர் முழுக்க தூங்கியது. நான் மட்டும் தூங்கவில்லை. என் வீட்டிற்கு அருகில் உள்ள உயர்ந்த ஏழில் குன்றத்தின் அருகில் உள்ள, மயிலின் கால்களைப் போன்ற இலைகளையுடைய நொச்சி மரத்தின் பெரிய கொத்துக்களாக உள்ள, நீலமணியின் நிறத்தை ஒத்த மலர்கள், மென்மையாகக் கிளைகளில் இருந்து உதிர்வதைக் கேட்டபடியே படுத்திருந்தேன்.

   
சொல் விளக்கம் -

கொன்னூர் - (பரிய ஊர் ) ஊர் முழுக்க

துஞ்சினும் - தூங்கினாலும்

யாந்துஞ்சலமே - நான் தூங்கவில்லை

எம் இல் அயலது - என் வீட்டிற்கு அருகில்

ஏழில் உம்பர் - உயர்ந்த ஏழில் மலையில் மேலுள்ள

( ஏழில் என்பது ஒரு மலை. இது மன்னன் நன்னன் என்பவனுக்குரியது)

மயிலடி இலைய - மயிலின் அடியைப் (கால்களைப்) போன்ற இலைகளை உடைய

மா குரல் - கருமையான அல்லது பெரிய குலைகள்

நொச்சி - நொச்சி

அணிமிகு - மிகவும் அழகான 

மென் கொம்பு - மெல்லிய கிளைகள்

ஊழ்த்த - உதிர்த்த 

மணி மருள் - நீலமணியைப் போன்ற

பூவின் பாடு - பூக்கள் விழுவதைக்

நனி கேட்டே -  மிகக் கேட்டவாறு 

                                                              

படங்கள் இணையத்திலிருந்து,,

என் இதய சிம்மாசனத்தில்,,,,,

                                                 
 

என்னவனே

என் இதய சிம்மாசனத்தில்

சுகமாய் வாழ்பவனே

என் சோகத்தைக் கேட்டு

சோகமே அழுகிறதடா,,,

உன் நினைவுகள் தந்த

கற்பனைக் கனவுகளில் திரையிட்டு

காலங்கள் கடத்துகின்றேன்

நம் காதலை வாழ வைக்க,,

நிமிர்ந்து பார்க்க

இருளில் தெரிகிறது உன் உருவம்.

அறை முழுவதும் உன் குரல்கள்

எப்பவும் போல் ஓங்கி ஒலிக்கின்றன.

இமைகள் மூடினால்

இமையோரம் உன் நினைவு பிசுபிசுப்பு

உறங்கிடவும் முடியவில்லை

கனவிலும் உன் நினைவுகள்.

உதறி எழுந்தேன்

கதறி அழ,,

கட்டிலில் ஆழ்ந்து உறங்கும்

உன் சாயலைக் கண்டதும்

கசக்கி எரிந்தேன் கனவையும்

எதிர்பாரா இடைவெளி

உனக்கும் எனக்குமாய்,,,,,,

கரம் பிடித்து வந்தவளின்

காவலனே

உன்னைவிடவும் வேறொருவன்

இவ்வுலகத்தில் எனக்குண்டோ

என்னைப் பற்றி நான் என்ன நினைத்தாலும்

உனக்காக இறங்கிவந்தேன்

உன்னையே பற்றியதால்

காரணங்கள் பல

நீ

கூறியும் கூறாமலும்

என்னை மறுத்துவிட்டு போனாலும்

உந்தன் கபட உணர்வுகளால்

உன்னால் ஒதுக்கப்பட்ட இவள்

காத்திருக்கிறாள்

உன்னை வரவேற்க

இல்லத்திலும்

உள்ளத்திலும்,,,

சரி, பொங்கல் விடுமுறை முடிந்து பதிவு வெளியிட முடியாத படி பல வேலைகள், இப்போ எல்லாம் முடிந்தது, இது உங்களுக்காக பொங்கல் பதிவாக வெளியிட சேகரித்தவை,,,,

                          

             

நான் பணிபுரியும் கல்வி நிறுவனத்தில் பொங்கல் வைத்தபோது,,

                                                                                                                 

மாணவிகள் கை வண்ணக் காவியங்கள்,,

முயற்சித்தேன் டீ வடிகட்டியில் கோலம் போட
                                                                                              நல்லா இருக்கா,,,

உங்களுக்கு தேரிந்தவர் தான் ,,,,,,,
                                                             
                                                               பள்ளியில் பொங்கல் கொண்டாடத் தான் இப்படி

இவங்களும் தான்,,,,

                                                                                                                   
                                               
                                                     
                                                               

                                            நன்றி

அளவுக்கதிமான அன்பு

அளவுக்கதிமாக அன்பை 

பிறருக்கு கொடுக்கவும் கூடாது

பிறரிடமிருந்து பெறவும் கூடாது

இரண்டுமே வேதனையைத் தான் தரும்.

         

அன்பை கொடுத்து ஏமாந்து விடாதீர்கள்,,,,,,,,,

அன்பை பெற்று ஏமாற்றி விடாதீர்கள்,,,,,,,,,,

இரண்டிற்கும் வலி அதிகம்,,,,,,,,

   

சிரிப்பவர்கள் எல்லோரும்

கவலையின்றி வாழ்பவர்கள் அல்ல

கவலையை ம(றை)றக்க

கற்றுக்கொண்டவர்கள்.

சிலர் அன்பை வார்த்தையால் உணர்த்தலாம்

சிலர் அன்பை உணர்வுகளால் உணர்த்தலாம்

சிலர் அன்பு எப்போதும் புரியாது

அதை

காலம் உணர்த்தும் போது தான்

கண்கள் கலங்கும்

                                                                                                                                      

எண்ணங்கள் தெளித்த வண்ணக்கோலங்கள்

 

எண்ணங்கள் தெளித்த 

வண்ணக்கோலங்கள்

                 

வண்ணமயிலே 

ஏன் இந்த அழகிய நடனம், 

இருட்டை கார்மேகம் என்று 

நினைத்தாயா

இல்லையா 

பின்னே

மகியின் கை வண்ணத்தில்

வாசலில் துளிர்த்ததனால்

வந்த  துள்ளல் நடனமே,,,,,,,

                                                                                           (இது கொஞ்சம் ஓவரா இல்ல)

வண்ணக் கலவையில் 

வரைந்த  

வண்ணமலர்களே

வாசல் நிறைக்கும் 

அழகு கோடுகளே

வசந்தம் வளரட்டும் 

நாளும்,,,,,,,,,

                                                                                                    

இழைகளுக்குள் கண்சிமிட்டுவது

வானத்து நட்சத்திரங்கள் தூவிய 

வெண்மலர்கள்

கபிலன் 

சொன்ன பூக்களையும் 

விஞ்சிவிடுகின்றன 

கோலத்தில் காணகிடக்கும்

 பூக்களின் வடிவங்கள்

எந்த கவிஞன் 

கவிகள் சொல்வான் 

இவ்வடிவங்களுக்குரிய 

பெயர்களைத் தன் கவியில்,,,,,,,

       

எண்ணங்கள் தெளித்த 

வண்ணக்கோலங்கள் 

விடியலின் இருட்டில்

விழித்த கோலம்

புத்தாண்டில்,,,,,,,,

 

அழியப்போவது தெரிந்தும் 

அழகாய் சிரிக்கிறாய் 

ஒஒஒ 

நீயும் 

விட்டில் பூச்சா

சிதறா கவனத்தில் 

சிதறும் வெண்துளிகள் 

கோல மழையாய்

என் வீட்டு வாசலில்,,,,,,,

                                                                      தொடரும்,,,,,,,,,,

புத்தாண்டே வருக

      

புத்தாண்டே வருக எமக்கு 

புது வாழ்வு தருக

வரும் காலம் இனி

வளம் கோடி தர

வரம் தருக.

அனைவருக்கும் புத்தாண்டு நல்வாழ்த்துக்கள். 

தமிழண்ணலே

  தமிழண்ணலே

 

  தமிழறிஞர்களால் தமிழண்ணல் என அழைக்கப்படும் இராம. பெரியகருப்பன் அவர்கள் இருபதாம் நூற்றாண்டின் தமிழ் ஆளுமைகளுள் மிகவும் குறிப்பிடத் தகுந்தவர். இவர் மதுரை காமராசர் பல்கலைக்கழகத்தின் தமிழ்த்துறைத் தலைவராக விளங்கினார். இலக்கிய உலகில் இவர் ஆற்றிய பெரும்பணிகள் ஏராளம் ஏராளம்.

      இவர் 12.08.1928 இல் சிவகங்கை மாவட்டம் நெற்குப்பை என்னும் சிற்றூரில் பிறந்தவர். இயற்பெயர் பெரியகருப்பன். இராம.பெரியகருப்பன் என்றும் அழைப்பர். இவர்தம் பெற்றோர் இராமசாமி, கல்யாணி ஆவர்.

   மேலைச்சிவபுரி கணேசர் செந்தமிழ்க் கல்லூரியிலும், திருவையாறு அரசர் கல்லூரியிலும் பயின்று தமிழ் வித்துவான் பட்டம் பெற்றவர்.

   சென்னைப் பல்கலைக்கழகத்தில் இளங்கலை (பொருளியல்), முதுகலைத் தமிழ் ஆகிய பட்டங்களைப் பெற்றவர்.

  முனைவர் சி.இலக்குவனாரும், முனைவர் அ.சிதம்பரநாதனார் இவர்களின் நெறிப்படுத்தலின் கீழ் மதுரை தியாகராசர் கல்லூரியில் விரிவுரையாளராகப் பணியாற்றிய காலத்தில் சங்க இலக்கிய மரபுகள் என்னும் பொருளில் ஆய்வு செய்து முனைவர் பட்டம் பெற்றவர்

    தமிழண்ணல் தமிழ் இலக்கியம், இலக்கணம், திறனாய்வு, நாட்டுப்புறவியல், உரைநடை, நாடகம் எனப் பல நூல்கள் யாத்துள்ளார்.

அவற்றுள் சில உங்கள் பார்வைக்கு,

வாழ்வரசி புதினம்

நச்சுவளையம் புதினம்

தாலாட்டு

காதல் வாழ்வு

பிறைதொழும் பெண்கள்

சங்க இலக்கியத் தொன்மை அகச்சான்றுகள்

சங்க இலக்கிய ஒப்பீடு- இலக்கியக் கொள்கைகள்

சங்க இலக்கிய ஒப்பீடு- இலக்கிய வகைகள்

தொல்காப்பியரின் இலக்கியக் கொள்கைகள்

புதியநோக்கில் தமிழ்இலக்கிய வரலாறு

தமிழியல் ஆய்வு(இ.முத்தையாவுடன்)

ஆய்வியல் அறிமுகம்(இலக்குமணனுடன்)

ஒப்பிலக்கிய அறிமுகம்

குறிஞ்சிப்பாட்டு இலக்கியத் திறனாய்வு விளக்கம்

தொல்காப்பியம் உரை

நன்னூல் உரை

அகப்பொருள் விளக்கம் உரை

புறப்பொருள் வெண்பாமாலை உரை

யாப்பருங்கலக் காரிகை உரை

தண்டியலங்காரம் உரை

சொல் புதிது சுவை புதிது

தமிழில் அடிக்கடி நேரும் பிழைகளும் திருத்தமும்

தமிழுக்கு ஆகமங்கள் தடையாகுமா?

பேசுவது போல் எழுதலாமா? பேச்சுத் தமிழை இகழலாமா?

பிழை திருத்தும் மனப்பழக்கம்

உரை விளக்கு

தமிழ் உயிருள்ள மொழி

தமிழ் கற்பிக்கும் நெறிமுறைகள்

தமிழ்த்தவம்

உங்கள் தமிழைத் தெரிந்துகொள்ளுங்கள்

திருக்குறள் உரை

இனிய தமிழ்மொழியின் இயல்புகள் முதலியன

  தமிழ் வளர்ச்சிக்கும், தமிழ்பண்பாட்டைப் பாதுகாக்கவும் பாடுபட்டவர். தமிழண்ணலே நீவீர் மறையவில்லை, என்றும் எங்களுடனே இருக்கிறீர், உம் எழுத்துக்களால்.