நானும் என் ஒற்றைச்,,,,,,,,,,,,,,

                                                   
           நானும் என் ஒற்றைச்,,,,,,,,,,,,,,        
                                                    
                                         

                  படம் கூகுள் நன்றி

இலையுதிர்ந்த மரங்களின் மீதும்

என் மனப்பட்சியின் மீதும்

மலரிதழ்கள் தூகிறது வானம்.

பாழ்பட்ட வீட்டின் 

பிளவுகளுக்குள் நானும்

என் ஒற்றைச் செடியும்,,,,,,,,

ஊன்றிப் பார்த்தால்

அதன் இலைத்தாண்டி

சிறு மொட்டு,

மலரும் நாள் நோக்கிய 

என் அசைவற்ற முகத்தில்

வந்து அமர்ந்தது ஓர் 

வண்ணத்துப்பூச்சி.

கூடிழைக்கப் புல்லிதழ் 

பொறுக்கும் 

சிறுகுருவியைப் போல்

வருவதும் போவதுமாய்

பட்டென்று 

வெடித்து மலர்ந்த 

மலர் மேல்

தன் மூக்கு நுழைத்து

பூ நெய் அருந்தி

மகிழ்ந்து

மகிழ்வூடிய மறுகணமே

சடுதியில் விலகிடும்

சூக்குமம் எனக்குப் பிடிபடவேயில்லை

சிறிதொரு கவிதையாவது

முடைந்திடும் முயற்சியில்

தோற்றேன் பல பொழுது

வண்ணத்துப்பூச்சிடமும் தான்