அந்நியமான அரங்கேற்றுகாதை

                                     
                    அந்நியமான அரங்கேற்றுகாதை
                                                                                     


                                           



                                             

       ஒருவர் நம்மை அந்நியப்படுத்தும் போது,
  நாம் எவ்வளவு வேதனைப்படுவோம், அப்படித்தான்,,,,,,, என்ன, ஆரம்பமே இப்படியா என்று போய்விடாதீர்கள்,,

   தமிழ் முதுகலை வகுப்பிற்குப் பாடமாகச் சிலப்பதிகாரம் வைக்கப்பெறும் காலத்தில் அதன் அரங்கேற்றுகாதை மட்டும் வலைக்கோட்டுக்குள்,,,,,

 என்னங்க எதுவும் புரியலையா????

தமிழ் மொழியின் காப்பியங்கள் என்று ஐந்து என்பர். அவை

1, சிலப்பதிகாரம்      - இளங்கோவடிகள்

2, மணிமேகலை     - சீத்தலைச் சாத்தனார்

3, சீவகசிந்தாமணி   - திருத்தக்கதேவர்

4, வளையாபதி       - ஆசிரியர் பெயர் தெரியவில்லை

5, குண்டலகேசி      - நாதகுத்தனார்

இது நீங்கள் அனைவரும் அறிந்ததே, சரி அப்புறம் ஏன் இந்தப் பதிவு என்று தானே,,,,

   சிலப்பதிகாரம் மூன்று பெரும் பிரிவுகளாகவும் ( இதனைக் காண்டங்கள் என்பர்)

   முப்பது சிறு பிரிவுகளாகவும் ( இதனைக் காதைகள் என்பர் )

  பகுக்கப்பட்டுள்ளது.

இதில் 3 வது காதை அரங்கேற்றுகாதை தான் நான் சொல்ல வருவது, அது ஏன் அந்நியமானது என்று கேட்கிறீர்களா? பாடத்திட்டத்தில் சிலப்பதிகாரம் முழுமையும், (அரங்கேற்றுகாதை நீங்கலாக) என்று குறிக்கப்பட்டிருக்கும்.

     வெறும் 175 அடிகளே கொண்ட கடுகு அளவான அரங்கேற்று காதையை மட்டும் விலக்கி வைத்ததன் காரணம்,,,,,,,,ஏன்?

   கடுகு சிறுத்தாலும் காரம் மிகுதி, அந்தச் சின்னஞ்சிறு காதையைத் தெளிவுற நடத்தும், தமிழிசை, தமிழ்நாடகப் புலமை நிறைந்த பேராசிரியர்கள் அன்றைக்கு யாரும் இல்லை, என்பது பாடத்திட்டக் குழுவினரின் கணிப்பு என்று பேராசிரியர் ஒருவர் கூறினார். (என் முனைவர் பட்ட ஆய்விற்காய் நான் என் தேடுதலைத் தொடங்கிய போது.)

   அன்றைக்கு அரங்கேற்றுகாதையைப் பாடத்தில் சேர்த்துப், பேராசிரியர்கள் தங்கள் அளவில் கற்றுக் கொடுத்து, கருத்தரங்குகள் நடத்தியும், விவாதித்தும் வந்திருந்தால், அந்த மாணவர்வழி வந்த வாரிசுகள், கொஞ்சமாவது அதனை வெளிச்சத்திற்குக் கொண்டுவந்திருப்பார்கள். அப்படிச் செய்யத் தவறியதால் அரங்கேற்றுகாதை எனும் அரியச் சுரங்கம் நமக்கு அந்நியப்பட்டுப் போயிற்று.  

                                             அரங்கேறும்,,,,,,,,,,,,,,,,,,,